കാട്ടാക്കട: കള്ളിക്കാട് പഞ്ചായത്തിൽ പ്രസിഡൻറ് മാറ്റം. ഇടതുമുന്നണി ധാരണപ്രകാരം ആദ്യ രണ്ടരവർഷം പ്രസിഡൻറ് പദവി സി.പി.ഐക്കും വൈസ് പ്രസിഡൻറ് സ്ഥാനം സി.പി.എമ്മിനുമായിരുന്നു. ഇതിെൻറ അടിസ്ഥാനത്തിൽ പ്രസിഡൻറായിരുന്ന സാനുമതി ശനിയാഴ്ച രാജിവെക്കും. മുമ്പ് പഞ്ചായത്ത് പ്രസിഡൻറായിട്ടുള്ള സി.പി.എമ്മിലെ ജെ.ആർ. അജിതയുടെയും മറ്റൊരു അംഗമായ ഷൈനിയുടെ പേരാണ് പുതിയ പ്രസിഡൻറ് സ്ഥാനത്തേക്ക് പരിഗണനയിലുള്ളത്. അതേസമയം സി.പി.എമ്മിലെ ശ്യാംലാൽ വൈസ് പ്രസിഡൻറ് സ്ഥാനത്ത് തുടരുന്നതിനുവേണ്ടി ഇടതുമുന്നണിയിൽ ചർച്ച നടക്കുന്നുണ്ട്. അധ്യക്ഷപദവികൾ സി.പി.ഐക്ക് നൽകി വൈസ് പ്രസിഡൻറ് സ്ഥാനം നിലനിർത്താനാണ് സി.പി.എം ശ്രമിക്കുന്നത്. എന്നാൽ സി.പി.ഐ ജില്ലാ നേതൃത്വം ഇത് അംഗീകരിക്കാനിടയില്ല. ഇങ്ങനെ വന്നാൽ നിലവിലെ പഞ്ചായത്ത് പ്രസിഡൻറ് സാനുമതിക്കായിരിക്കും വൈസ് പ്രസിഡൻറ് സ്ഥാനത്തേക്ക് നറുക്കുവീഴുക.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.