കിളിമാനൂര്: നഗരൂരില് നിയന്ത്രണംവിട്ട കാറിടിച്ച് കാൽനടക്കാരായ രണ്ടുസ്ത്രീകള്ക്ക് പരിക്കേറ്റു. നഗരൂർ പുല്ലുതോട്ടം രമണികയില് ദീപ (35), നെടുമ്പറമ്പ് ഒഴുകുപാറവിളവീട്ടില് സ്വപ്ന (32) എന്നിവര്ക്കാണ് പരിക്കേറ്റത്. ബുധനാഴ്ച വൈകീട്ട് അഞ്ചോടെയാണ് അപകടം. വീട്ടുസാധനങ്ങളുമായി റോഡരികില് കൂടി നടന്നുവന്ന ദീപയുടെ ദേഹത്തേക്ക് ആറ്റിങ്ങല് ഭാഗത്തുനിന്ന് കല്ലമ്പലം റോഡിലേക്ക് തിരിയുകയായിരുന്ന കാര് നിയന്ത്രണംവിട്ട് പാഞ്ഞുകയറുകയായിരുന്നു. ഇടിയുടെ ആഘാതത്തില് ദീപയുടെ കാലുകള് ഒടിഞ്ഞു. ദീപയെ തിരുവനന്തപുരത്തെ സ്വകാര്യ ആശുപത്രിയില് പ്രവേശിപ്പിച്ച് അടിയന്തരശസ്ത്രക്രിയക്ക് വിധേയയാക്കി. ദീപയെ ഇടിച്ചശേഷം കാര് സ്വപ്നയെ ഇടിച്ച് നില്ക്കുകയായിരുന്നു. തലക്ക് പരിക്കേറ്റ സ്വപ്നയെ ആ സമയം അവിടെ എത്തിയ ആറ്റിങ്ങല് സി.ഐ അനില്കുമാറിെൻറ ജീപ്പില് മെഡിക്കല് കോളജ് ആശുപത്രിയിലേക്ക് കൊണ്ടുപോയി. അപകടത്തിെൻറ സി.സി.ടി.വി ദൃശ്യം സമീപത്തെ കടയില്നിന്ന് പൊലീസ് ശേഖരിച്ചിട്ടുണ്ട്. ആറ്റിങ്ങല് പൊലീസ് കേസെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.