കൊല്ലം: അമ്പലപ്പുഴ നീർക്കുന്നം തീരത്തുനിന്ന് കൊല്ലം പുറംകടലിലെത്തിച്ച . മോശം കാലാവസ്ഥയെ തുടർന്ന് ശ്രമം ഉേപക്ഷിച്ചു. തിങ്കളാഴ്ച ഉച്ചയോടെ രണ്ട് ടഗുകളുടെയും രണ്ട് മത്സ്യബന്ധന ബോട്ടുകളുടെയും സഹായത്തോടെ ഡോക്ക് തുറമുഖത്തിന് സമീപം വരെ എത്തിച്ചെങ്കിലും കാറ്റിൽ നിയന്ത്രണം തെറ്റി ബീച്ചിെൻറ ഭാഗത്തേക്ക് നീങ്ങിയതോടെ തിരികെ പുറംകടലിലേക്ക് വലിച്ച് കൊണ്ടുപോകുകയായിരുന്നു. കാലാവസ്ഥ അനുകൂലമായശേഷമേ ശ്രമം പുനരാരംഭിക്കൂ എന്ന് അധികൃതർ പറഞ്ഞു. കൊച്ചിൻ പോർട്ട് ട്രസ്റ്റിൽ നിന്നെത്തിയ ക്യാപ്റ്റൻ കൃഷ്ണരാജാണ് ഡോക്ക് തുറമുഖത്ത് അടുപ്പിക്കാൻ നിർദേശം നൽകിയത്. അബൂദബി ആസ്ഥാനമായ അൽഫത്താൻ ഷിപ്പിങ് കമ്പനിയുടെ ഉടമസ്ഥതയിലുള്ളതാണ് ഡോക്ക്. വിദേശത്തേക്ക് കൊണ്ടുപോകാൻ പുതിയ സ്റ്റീൽ വടം ടഗുമായി ഘടിപ്പിക്കുന്നതിനാണ് തുറമുഖത്ത് എത്തിക്കുന്നത്. കടലിൽ വെച്ച് റോപ്പ് ഘടിപ്പിക്കുന്നത് പ്രയാസമാണ്. വടം പൊട്ടിയതിനെ തുടർന്ന് അമ്പലപ്പുഴ നീർക്കുന്നം തീരത്തടിഞ്ഞ ഡോക്ക് ശനിയാഴ്ച ഉച്ചയോടെയാണ് കൊല്ലം തീരത്ത് എത്തിച്ചത്. ഡോക്കിന് തുറമുഖത്തേക്ക് കടക്കാൻ ബർത്തിലുണ്ടായിരുന്ന കേന്ദ്രസർക്കാറിെൻറ ഉടമസ്ഥതയിലുള്ള സർവേ വെസൽ മാറ്റി നങ്കൂരമിട്ടിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.