തിരുവനന്തപുരം: കേരള സർവകലാശാല വൈസ്ചാൻസലർ നിയമനത്തിനുള്ള സെർച് കമ്മിറ്റിയായി. ചാൻസലറായ ഗവർണറുടെ പ്രതിനിധിയായി ചീഫ് സെക്രട്ടറി ടോം ജോസ്, സർവകലാശാല പ്രതിനിധിയായി സംസ്ഥാന പ്ലാനിങ് ബോർഡ് ഉപാധ്യക്ഷൻ ഡോ. വി.കെ. രാമചന്ദ്രൻ, യു.ജി.സി പ്രതിനിധിയായി കർണാടക സ്റ്റേറ്റ് റൂറൽ ഡെവലപ്മെൻറ് ആൻഡ് പഞ്ചായത്തീരാജ് സർവകലാശാല വൈസ്ചാൻസലർ പ്രഫ. ബി. തിമ്മെ ഗൗഡ എന്നിവരാണ് അംഗങ്ങൾ. കമ്മിറ്റിക്ക് ഗവർണർ ജസ്റ്റിസ് പി. സദാശിവം അംഗീകാരം നൽകി. ഡോ. പി.കെ. രാധാകൃഷ്ണെൻറ കാലാവധി പൂർത്തിയായതിനെ തുടർന്നാണ് കേരളയിൽ വി.സി നിയമനം. കണ്ണൂർ സർവകലാശാല വി.സി ഡോ. ഗോപിനാഥ് രവീന്ദ്രനാണ് കേരളയുടെ അധിക ചുമതല.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.