കല്ലറ: തറട്ടയിൽ ഗവ. ആശുപത്രിയുടെ ശോച്യാവസ്ഥയിൽ പ്രതിഷേധിച്ച് യൂത്ത് കോൺഗ്രസ് നിരാഹാരം ആരംഭിച്ചു. കൂടുതൽ ഡോക്ടർമാരെ നിയമിക്കുക, 24 മണിക്കൂറും ആശുപത്രി പ്രവർത്തിപ്പിക്കുക, അനുബന്ധ സൗകര്യങ്ങൾ വർധിപ്പിക്കുക തുടങ്ങിയ ആവശ്യങ്ങളുന്നയിച്ച് യൂത്ത് കോൺഗ്രസ് കല്ലറ മണ്ഡലം കമ്മിറ്റിയാണ് 48 മണിക്കൂർ നിരാഹാരം സംഘടിപ്പിച്ചിരിക്കുന്നത്. സമരത്തോടനുബന്ധിച്ചുള്ള സമ്മേളനം യൂത്ത് കോൺഗ്രസ് ബ്ലോക്ക് പ്രസിഡൻറ് ബിനു എസ്. നായർ ഉദ്ഘാടനം ചെയ്തു. കല്ലറ എൻ. അനിൽകുമാർ, ഗോപാലകൃഷ്ണൻ നായർ, കെ.എസ്.യു സംസ്ഥാന വൈസ് പ്രസിഡൻറ് വി.പി. അബ്്ദുൽ റഷീദ് എന്നിവർ സംസാരിച്ചു. യൂത്ത് കോൺഗ്രസ് കല്ലറ മണ്ഡലം പ്രസിഡൻറ് യൂസുഫ്, പത്മേഷ്, താരിഷ്, സന്തോഷ്, ലിജു എന്നിവരാണ് നിരാഹാരത്തിനു നേതൃത്വം നൽകുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.