പോത്തൻകോട്: കരിഞ്ചന്തയിൽ വിൽപനക്കായി ലോറിയിൽ കടത്തിയ 2000 ലിറ്റർ മണ്ണെണ്ണ മംഗലപുരം പൊലീസ് പിടികൂടി. ശനിയാഴ്ച രാത്രി 11ഒാടെ വാഹന പരിശോധനക്കിടെയാണ് സംഭവം. സ്വകാര്യ ഒായിൽ കമ്പനിയുെട പേരിലുള്ള 11ബാരലുകളിലാണ് മണ്ണെണ്ണ കടത്തിയത്. പരിശോധനയിൽ മതിയായ രേഖകൾ ഹാജരാക്കാത്തതിനെ തുടർന്ന് വാഹനവും ഡ്രൈവറെയും പൊലീസ് കസ്റ്റഡിയിലെടുക്കുകയായിരുന്നു. ഡ്രൈവർ പൂന്തുറ മാണിക്യവിളാകം വീട്ടിൽ സുധീർ (38) ആണ് പിടിയിലായത്. മംഗലപുരം എസ്.െഎ അജയൻ, ഗ്രേഡ് എസ്.െഎ നാരായണൻനായർ, പൊലീസുകാരായ അപ്പു, പ്രതാപൻ എന്നിവരടങ്ങുന്ന സംഘമാണ് അറസ്റ്റ് ചെയ്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.