പത്തനാപുരം: കടത്തിണ്ണയില് വിശ്രമിക്കുകയായിരുന്ന വയോധികെൻറ മുഖത്ത് മുളക്പൊടി കലക്കിയൊഴിച്ചതായി പരാതി. പുനലൂര്-മൂവാറ്റുപുഴ പാതയില് പത്തനാപുരം നഗരത്തില് പുനലൂര് ഭാഗത്തേക്ക് ബസ് കാത്ത് നിൽക്കുന്നിടത്തുള്ള വ്യാപാരസ്ഥാപത്തിന് മുന്നിലാണ് സംഭവം. കടത്തിണ്ണയില് കിടന്നുറങ്ങുകയായിരുന്ന വൃദ്ധെൻറ മുഖത്തേക്ക് കടയുടമ മുളകുപൊടി കലക്കി ഒഴിക്കുകയായിരുന്നുവത്രെ. സംഭവത്തില് നാട്ടുകാര് പ്രതിഷേധിക്കുകയും പൊലീസില് വിവരമറിയിക്കുകയുമായിരുന്നു. പൊലീസെത്തി കടയുടമയെ അറസ്റ്റ് ചെയ്ത് സ്റ്റേഷനിലെത്തിച്ചെങ്കിലും പിന്നീട് വിട്ടയച്ചു. വയോധികന് സ്ഥിരമായി മദ്യലഹരിയിൽ കടത്തിണ്ണയിലെത്താറുണ്ടെന്നും പ്രശ്നങ്ങളുണ്ടാക്കാറുണ്ടെന്നും കടയുടമ പറഞ്ഞു. ബഹളമുണ്ടാക്കരുതെന്ന് പറയുക മാത്രമാണ് താന് ചെയ്തതെന്നും വ്യാപാരി പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.