തിരുവനന്തപുരം: പുതുവർഷ ആഘോഷത്തിനിടെ ക്രിമിനൽ കേസ് പ്രതിയെ കൊലപ്പെടുത്തിയെന്ന കേസിലെ പ്രതികൾ ജാമ്യഹരജി ഫയൽ ചെയ്തു. വാദം ഈ മാസം 12ന് കോടതി പരിഗണിക്കും. തിരുവനന്തപുരം ഒന്നാം ജില്ല സെഷൻസ് കോടതിയാണ് വാദം കേൾക്കുക. ഒന്നുമുതൽ ഒമ്പതുവരെയുള്ള പ്രതികളുടെ ജാമ്യമാണ് കോടതിയിൽ ഫയൽ ചെയ്തത്. രാജീവ്, അജയൻ, ശ്രീജിത്ത്, അഭിജിത്, സജീവ്, വിജീഷ്, വിജിലാൽ, വിപിൻ തുടങ്ങി പത്തുപേരാണ് കേസിലെ പ്രതികൾ. പാറക്കുഴി ഹരിജൻ കോളനിയിലെ പുതുവർഷ ആഘോഷത്തിനിടയിലാണ് ഗുണ്ട അരുൺജിത് കൊലപ്പെട്ടത്. അരുൺജിത് അമ്പതോളം കേസുകളിൽ പ്രതിയാണെന്നാണ് പൊലീസ് റിപ്പോർട്ട്. നേരത്തേ പ്രതികളുടെ ജാമ്യം നെയ്യാറ്റിൻകര മജിസ്ട്രേറ്റ് കോടതി തള്ളിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.