പാറശ്ശാല: ചെറുവാരക്കോണത്ത് പാറശ്ശാല എസ്.ഐ വിനീഷിനെ ആക്രമിച്ച കേസിൽ രണ്ടുപേർ കൂടി അറസ്റ്റിലായി. പാറശ്ശാല മുണ്ടപ്പാവിളമുട്ടയ്ക്കൽ മേൽപ്പുറം വീട്ടിൽ അനന്തു (24), അനു (22) എന്നിവരാണ് പിടിയിലായത്. കേസുമായി ബന്ധപ്പെട്ട് ഒരാളെ നേരത്തെ അറസ്റ്റ് ചെയ്തിരുന്നു. ഡിസംബറിൽ രാത്രി ചെരുവാരക്കോണത്ത് എസ്.ഐയെ ആക്രമിക്കുകയും ഔദ്യോഗിക ഡ്യൂട്ടി തടസ്സപ്പെടുത്തുകയും പൊലീസ് വാഹനം തകർക്കുകയും ചെയ്തതാണ് സംഭവം. പിടിയിലായ ഇവർ നിരവധി കേസുകളിലെ പ്രതിയാണെന്ന് പൊലീസ് പറഞ്ഞു. രണ്ട് മാസം മുമ്പ് പ്രദേശത്തെ വാർഡ് അംഗത്തെ ആക്രമിച്ചശേഷം ഒളിവിൽ കഴിയുകയായിരുന്ന പ്രതികളെ പൊലീസിന് ലഭിച്ച രഹസ്യവിവരത്തിെൻറ അടിസ്ഥാനത്തിലാണ് പിടികൂടിയത്. -പാറശ്ശാല സി.ഐ ബിനു, എസ്.ഐ വിനീഷ്, പൊലീസുകാരായ ശിവകുമാർ, അനിഷ് എന്നിവരുടെ നേതൃത്വത്തിലായിരുന്നു അറസ്റ്റ്. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു. ഫോട്ടോ പിടിയിലായ അനന്തു, അനു
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.