തിരുവനന്തപുരം: ഗാർഹിക പീഡനക്കേസുകളിൽ ഉടനടി അറസ്റ്റ് തടയുന്ന സുപ്രീംകോടതി വിധിയും അനന്തരഫലങ്ങളും ചർച്ചചെയ്യാൻ കേരള വനിത കമീഷൻ സംസ്ഥാനതല സെമിനാറും ഓപൺ ഫോറവും സംഘടിപ്പിക്കും. ജനുവരി ആറിന് രാവിലെ പത്തിന് വി.ജെ.ടി ഹാളിൽ നടക്കുന്ന സെമിനാർ ഗവർണർ പി. സദാശിവം ഉദ്ഘാടനം ചെയ്യും. മന്ത്രി കെ.കെ. ശൈലജ അധ്യക്ഷത വഹിക്കും. വനിത കമീഷൻ അധ്യക്ഷ എം.സി. ജോസഫൈൻ മുഖ്യപ്രഭാഷണം നിർവഹിക്കും. കമീഷൻ അംഗങ്ങളായ ഷാഹിദ കമാൽ, അഡ്വ. എം.എസ്. താര, ഇ.എം. രാധ, അഡ്വ. ഷിജി ശിവജി, ഡി.ജി.പി ലോകനാഥ് ബെഹ്റ, ജയിൽവകുപ്പ് മേധാവി ആർ. ശ്രീലേഖ എന്നിവർ പങ്കെടുക്കും. തുടർന്നുള്ള ഓപൺ ഫോറത്തിൽ സുപ്രീംകോടതി സീനിയർ അഭിഭാഷക കീർത്തി സിങ് മുഖ്യപ്രഭാഷണം നടത്തും. വിവിധ വനിത സംഘടന പ്രതിനിധികളും അഭിഭാഷകരും ചർച്ചയിൽ പങ്കെടുക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.