തിരുവനന്തപുരം: കാഞ്ഞിരംകുളം നിത്യസഹായമാത മലങ്കര കത്തോലിക്ക തീർഥാടന ദേവാലയത്തിലെ തിരുനാൾ ഏഴിന് കൊടിയേറും. മോൺ. ഡോ. മാത്യു മനക്കരക്കാവിൽ, ഫാദർ ഫ്രാൻസിസ് മുതുകത്താനിയിൽ, ഫാദർ ആൻറണി പ്ലാംപറമ്പിൽ എന്നിവർ ശുശ്രൂഷകൾക്ക് മുഖ്യകാർമികത്വം വഹിക്കും. തിരുനാൾ പ്രദക്ഷിണം 13ന് നടക്കും. ഞായറാഴ്ച വൈകീട്ട് അഞ്ചിന് സന്ധ്യപ്രാർഥനക്കും നൊവേനക്കും ശേഷം നടക്കുന്ന വിശുദ്ധ കുർബാനക്ക് ജില്ല വികാരി ഫാദർ ആൻറണി പ്ലാംപറമ്പിൽ മുഖ്യകാർമികത്വം വഹിക്കും. തുടർന്ന് അദ്ദേഹം തിരുനാൾ സന്ദേശം നൽകും. ഫാദർ തോമസ് പ്രശാന്ത് ഒ.ഐ.സി കൊടിയേറ്റ് കർമം നിർവഹിക്കും. 14ന് രാവിലെ എട്ടിന് പ്രഭാതപ്രാർഥനയെത്തുടർന്ന് നടക്കുന്ന വിശുദ്ധ കുർബാനക്ക് തിരുവനന്തപുരം മേജർ അതിരൂപത വികാരി ജനറൽ മോൺ. ഡോ. മാത്യു മനക്കരക്കാവിൽ മുഖ്യകാർമികത്വം വഹിക്കും. തുടർന്ന് സ്നേഹവിരുന്ന് ഉണ്ടാവും. 21ന് രാവിലെ ദിവ്യബലിക്കുശേഷം കൊടിയിറക്ക് നടത്തും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.