യൂത്ത് കോൺഗ്രസ് സമരം അനിശ്ചിതകാലത്തേക്ക് നീട്ടി തിരുവനന്തപുരം: ഡമ്മി പ്രതികൾക്കുപോലും പി. ജയരാജനുമായി അഭേദ്യമായ അടുപ്പമാണുള്ളതെങ്കിൽ യഥാർഥ പ്രതികളെവിടെയെന്നും ജയരാജന് അറിയാമെന്ന് യൂത്ത് കോൺഗ്രസ് സംസ്ഥാന പ്രസിഡൻറ് ഡീൻ കുര്യാക്കോസ്. രാഷ്ട്രീയ പ്രതിയോഗികളെ എണ്ണം പറഞ്ഞ് കൊല്ലിക്കുന്ന ജയരാജെൻറ പേര് 'കില്ലർ ജയരാജൻ' എന്നാക്കി മാറ്റണം. സംഭവത്തിൽ ഗൂഢാലോചന നടന്നിട്ടുണ്ടെന്ന് പൊലീസും ആരാണ് നടത്തിയതെന്ന് പറയില്ലെന്ന് ആകാശും പറയുമ്പോൾ പി. ജയരാജെൻറ പങ്ക് കൂടുതൽ വ്യക്തമാകുകയാണ്. നേതൃത്വം പറഞ്ഞാൽ ആകാശ് കൊലവിളി നടത്തുന്നതിലെ 'നേതൃത്വം' പി. ജയരാജനാണെന്ന് വ്യക്തമായതിനാൽ, ജയരാജനെ ഉടൻ തന്നെ അറസ്റ്റ് ചെയ്യണം. യഥാർഥ പ്രതികളെ കണ്ടെത്താതെ ഡമ്മികളെ െവച്ച് കേസ് അട്ടിമറിക്കുന്ന തരത്തിൽ പൊലീസ് ഒത്തുകളിക്കുന്നതിൽ പ്രതിഷേധിച്ച് 48 മണിക്കൂർ നിരാഹാര സമരം അനിശ്ചിതകാലത്തേക്ക് നീട്ടിയതായും അദ്ദേഹം അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.