തിരുവനന്തപുരം: യു.എ.ഇയില് വന് സാമ്പത്തിക തട്ടിപ്പും യാത്രാവിലക്കും നേരിടുന്ന ബിനോയ് കോടിയേരിയെ സമ്പൂര്ണമായി സംരക്ഷിക്കുന്ന പിതാവ് കോടിയേരി ബാലകൃഷ്ണനെ പോളിറ്റ് ബ്യൂറോയില്നിന്ന് പുറത്താക്കണമെന്നാവശ്യപ്പെട്ട് കെ.പി.സി.സി രാഷ്ട്രീയകാര്യ സമിതി അംഗം ബെന്നി ബെഹനാന് സി.പി.എം ജനറല് സെക്രട്ടറി സീതാറാം യെച്ചൂരിക്ക് കത്തയച്ചു. ബിനോയിയെ സംരക്ഷിച്ച് കോടിയേരി ബാലകൃഷ്ണന് നടത്തിയ എല്ലാ പ്രസ്താവനകളും തെറ്റാണെന്ന് തെളിഞ്ഞുകഴിഞ്ഞു. മകന് നടത്തിയ സാമ്പത്തിക തട്ടിപ്പും അതിന് പിതാവ് നല്കിയ സംരക്ഷണവും പാര്ട്ടി പ്രവര്ത്തകര്ക്കിടയില് വലിയ തോതിലുള്ള ആശയക്കുഴപ്പവും അവമതിപ്പും സൃഷ്ടിച്ചിരിക്കുകയാണ്. കോടിയേരിയെ പോളിറ്റ് ബ്യൂറോയില്നിന്ന് നീക്കം ചെയ്ത് മാതൃകാനടപടി സ്വീകരിക്കണമെന്ന് യെച്ചൂരിക്ക് നല്കിയ കത്തില് ബെന്നി ബെഹനാന് ആവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.