തിരുവനന്തപുരം: കേരള സര്വകലാശാല അറബി വിഭാഗത്തിെൻറ ആഭിമുഖ്യത്തില് നടക്കുന്ന രാജ്യാന്തര സെമിനാറിന് സര്വകലാശാല ആസ്ഥാത്തെ സെനറ്റ് ചേംബറില് തുടക്കമായി. അറബി ഭാഷ അധ്യാപന രംഗത്ത് ആധുനിക രീതികള് സ്വീകരിക്കണമെന്ന് സെമിനാറില് പങ്കെടുത്ത് സംസാരിച്ച വിദേശ രാജ്യങ്ങളിലെ സര്വകലാശാല അധ്യാപകര് ആവശ്യപ്പെട്ടു. ഭാഷ അധ്യാപനരംഗത്ത് നടക്കുന്ന അതിനൂതനമായ ഗവേഷണങ്ങള് വിദ്യാർഥികളിലും അധ്യാപകരിലുമെത്തിക്കാന് സര്വകലാശാല നടത്തുന്ന ശ്രമങ്ങളെ സെമിനാര് അഭിനന്ദിച്ചു. ഈജിപ്ത് ആസ്ഥാനമായി പ്രവര്ത്തിക്കുന്ന അന്താരാഷ്ട്ര ബയോ എനര്ജി കേന്ദ്രം ഡയറക്ടര് ഡോ. അബ്ദുൽ തവ്വാബ് ഹസന് ഉദ്ഘാടനം ചെയ്തു. കേരള സംസ്ഥാന ന്യൂനപക്ഷ ക്ഷേമ വകുപ്പ് ഡയറക്ടറും കാലിക്കറ്റ് സര്വകലാശാല അറബിക് വിഭാഗം മുൻ മേധാവിയുമായ ഡോ. എ.ബി. മൊയ്തീന്കുട്ടി മുഖ്യപ്രഭാഷണം നടത്തി. ജോര്ദാൻ, ഫലസ്തീന്, സൗദി അറേബ്യ, ഈജിപ്ത്, മോറോക്കോ, യു.എ.ഇ, ടുണീഷ്യ തുടങ്ങിയ രാജ്യങ്ങളില്നിന്നുള്ള ഇരുപതോളം പ്രഫസര്മാര് പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.