തിരുവനന്തപുരം: ജില്ലയിൽ വിദ്യാലയങ്ങൾ കേന്ദ്രീകരിച്ച് കഞ്ചാവ് വിൽപന നടത്തിവന്ന രണ്ട് പേരെ സിറ്റി ഷാഡോ പൊലീസ് പിടികൂടി. നാലാഞ്ചിറ സ്വദേശി നന്ദു എന്ന സുധീഷ് കുമാർ (24), തച്ചോട്ട്കാവ് സ്വദേശി സുജിത്ത് (20) എന്നിവരെയാണ് രണ്ട് കിലോ കഞ്ചാവുമായി അറസ്റ്റ് ചെയ്തത്. വട്ടിയൂർക്കാവ് പൊലീസ് കേസ് രജിസ്റ്റർ ചെയ്തു. കഞ്ചാവ് കച്ചവടക്കാരെ ലക്ഷ്യം െവച്ച് സിറ്റി പൊലീസ് നടത്തിയ അന്വേഷണത്തിലാണ് ഇവർ പിടിയിലായത്. വരും ദിവസങ്ങളിലും കൂടുതൽ അന്വേഷണം നടത്തുമെന്ന് സിറ്റി പൊലീസ് കമീഷണർ പി. പ്രകാശ് അറിയിച്ചു. കൺേട്രാൾ റൂം അസി. കമീഷണർ വി. സുരേഷ് കുമാർ, വട്ടിയൂർകാവ് എസ്.ഐ മുരളീകൃഷ്ണൻ, ഷാഡോ എസ്.ഐ സുനിൽ ലാൽ, എ.എസ്.ഐ ഗോപകുമാർ, സിറ്റി ഷാഡോ ടീമംഗങ്ങൾ എന്നിവർ അന്വേഷണത്തിനും അറസ്റ്റിനും നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.