ഓയൂർ: കൊട്ടറ, മീയ്യണ്ണൂർ, പാലമുക്ക് വലിയവിള ഭാഗത്ത് ജനവാസമേഖലയിൽ അറവുമാടുകളുടെ മാലിന്യം നിക്ഷേപിച്ചത് പകർച്ചവ്യാധി ഭീഷണി ഉയർത്തുന്നു. കഴിഞ്ഞദിവസം രാത്രിയിൽ രണ്ട് ടിപ്പറുകളിൽ എത്തിച്ച മാലിന്യം ജെ.സി.ബി ഉപയോഗിച്ച് കുഴിച്ചിടുകയായിരുന്നു. മതിയായ സുരക്ഷാ ക്രമീകരണങ്ങളില്ലാതെ കുഴിച്ചിട്ട മാലിന്യം നായ്ക്കൾ മാന്തി പുറത്തിട്ടതോടെ പ്രദേശമാകെ ദുർഗന്ധം വമിക്കുകയാണ്. ഇത് കാരണം വീടുകളിൽ താമസിക്കുന്നതിനോ വഴിനടക്കാനോ കഴിയാത്ത അവസ്ഥയാണുള്ളത്. മഴക്കാലമായതിനാൽ വെള്ളം കെട്ടിക്കിടന്ന് മാലിന്യാവശിഷ്ടങ്ങൾ നീരുറവകളിൽകൂടി കിണറുകളിൽ എത്തുന്നതായും നാട്ടുകാർ പറഞ്ഞു. സംഭവവുമായി ബന്ധപ്പെട്ട് നാട്ടുകാർ പൂയപ്പള്ളി പഞ്ചായത്ത്, പൊലീസ്, ഹെൽത്ത് ഡിപ്പാർട്ട്മെൻറുകളിൽ പരാതി നൽകിയിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.