ശംഖുംമുഖം: തിരുവനന്തപുരം രാജ്യാന്തര വിമാനത്താവളത്തിൽ 37 ലക്ഷം രൂപ വിലവരുന്ന 1.300 കിലോഗ്രാം സ്വർണം കസ്റ്റംസ് വിഭാഗം പിടികൂടി. തിരുനെൽവേലി സ്വദേശി ഹാജ മൊയ്ദീൻ, കോഴിക്കോട് സ്വദേശി ഇല്യാസ്, തമിഴ്നാട് കടയനല്ലൂർ സ്വദേശി കലജ്ഞർ മസ്താൻ, തൃശൂർ സ്വദേശി ഹാജാ മൊയ്ദീൻ എന്നിവരുടെ പക്കൽനിന്നാണ് ചൊവ്വ, ബുധൻ, വ്യാഴം ദിവസങ്ങളിലായി സ്വർണം പിടികൂടിയത്. 300 ഗ്രാം സ്വർണമോതിരങ്ങൾ വസ്ത്രത്തിനടിയിൽ ഒളിപ്പിച്ചാണ് തിരുനൽവേലി സ്വദേശി കടത്താൻ ശ്രമിച്ചത്. അര കിലോ സ്വർണം കുഴമ്പ് രൂപത്തിലാക്കി അടിവസ്ത്രത്തിൽ ഒളിപ്പിച്ചാണ് ഇല്യാസ് എത്തിയത്. തമിഴ്നാട് സ്വദേശിയും തൃശൂർ സ്വദേശിയും അരക്കിലോ സ്വർണ ബിസ്ക്കറ്റുകൾ പാൻറിെൻറ രഹസ്യഅറയിലും വസ്ത്രങ്ങൾക്കിടയിലും ഒളിപ്പിച്ചായിരുന്നു കടത്താൻ ശ്രമിച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.