തിരുവനന്തപുരം: ന്യൂഡൽഹി കേരള ഹൗസില് മുഖ്യമന്ത്രി താമസിക്കുന്ന മുറിയുടെ മുന്നിലേക്ക് ആയുധധാരിയായ അക്രമി കടന്നുകയറിയത് അത്യന്തം ഗൗരവമുള്ളതാണെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്. സുരക്ഷ ക്രമീകരണത്തില് വന്ന വീഴ്ചയെക്കുറിച്ച് കേന്ദ്രസര്ക്കാര് അന്വേഷണം നടത്തണമെന്ന് അദ്ദേഹം ആവശ്യപ്പെട്ടു. കേരള ഹൗസിെൻറ ചുമതല കേന്ദ്ര സര്ക്കാറിന് കീഴിലുള്ള ഡൽഹി പൊലീസിനാണ്. അവരുടെ സുരക്ഷ ക്രമീകരണത്തില് വന്ന ഗുരുതരമായ വീഴ്ചയാണ് ആയുധവുമായി വന്ന ഒരാള്ക്ക് മുഖ്യമന്ത്രി താമസിച്ച മുറിയുടെ മുന്നില് എത്തിച്ചേരാന് ഇടയായ സംഭവം. അക്രമി കത്തികാട്ടി ഭീഷണി മുഴക്കിക്കൊണ്ടിരിക്കുമ്പോള് അയാളെ കീഴ്പ്പെടുത്താനോ കസ്റ്റഡിയിലെടുക്കാനോ ഒരിടപെടലും ഡൽഹി പൊലീസിെൻറ ഭാഗത്തുനിന്നുമുണ്ടായില്ല. മുഖ്യമന്ത്രിയോടൊപ്പമുണ്ടായിരുന്ന കേരള പൊലീസ് കമാൻഡോകളാണ് അക്രമിയെ കീഴ്പ്പെടുത്തിയതെന്നും പ്രസ്താവനയിൽ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.