കൊല്ലം: ശാസ്താംകോട്ട ബസേലിയസ് മാത്യൂസ് ദ്വിതീയൻ എൻജിനീയറിങ് കോളജിൽ 19ന് അന്താരാഷ്ട്ര ഏകദിന സെമിനാർ നടക്കുമെന്ന് ഭാരവാഹികൾ വാർത്താസമ്മേളനത്തിൽ അറിയിച്ചു. രാജ്യത്തിെൻറ വിവിധ മേഖലകളിൽനിന്ന് ലഭിച്ച 438 പേപ്പറുകളിൽനിന്ന് തെരഞ്ഞെടുത്ത 134 പ്രബന്ധങ്ങൾ സെമിനാറിൽ അവതരിപ്പിക്കും. രാവിലെ 8.30ന് രജിസ്ട്രേഷൻ ആരംഭിക്കും. കൊല്ലം ഭദ്രാസനാധിപൻ സഖറിയ മാർ അന്തോണിയോസ് ഭദ്രദീപം കൊളുത്തുന്നതോടെ ചടങ്ങ് ആരംഭിക്കും. എ.പി.ജെ. അബ്ദുൽ കലാം സാേങ്കതിക സർവകലാശാല പ്രോ-വൈസ് ചാൻസലർ ഡോ. എം. അബ്ദുൽ റഹ്മാൻ ഉദ്ഘാടനം ചെയ്യും. സെമിനാറിൽ ചർച്ചചെയ്ത് അംഗീകരിച്ച പ്രബന്ധങ്ങൾ ഇൻറർനാഷനൽ ജേണൽ ഒാഫ് എൻജിനീയറിങ് ടെക്നോളജി സി.സി.െഎ.എസ് സ്പ്രിംഗറിൽ പ്രസിദ്ധീകരിക്കും. വാർത്താസമ്മേളനത്തിൽ ഉമ്മൻ സാമുവൽ, സിനു കെ. ജേക്കബ് എന്നിവർ പെങ്കടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.