കുണ്ടറ: കിണർ കുഴിക്കുന്നതിനിടെ കിണറ്റിൽ വീണ തൊഴിലാളിയെ ഫയർഫോഴ്സെത്തി രക്ഷിച്ചു. പെരുമ്പുഴ തോട്ടുവാരത്ത് വീട്ടിൽ ഹാരിസാണ് (64) കിണറ്റിൽ വീണത്. ചൊവ്വാഴ്ച വൈകീട്ട് അഞ്ചോടെ കിണറുപണി പൂർത്തിയാക്കി തിരികെ കയറുമ്പോൾ പിടിച്ചുകയറിയ കയർ പൊട്ടിയാണ് ഹാരിസ് കിണറ്റിലേക്ക് വീണത്. പെരുമ്പുഴ പുത്തൻവിള വീട്ടിൽ ശിവൻകുട്ടി പുതുതായി വെട്ടിയ കിണറ്റിലായിരുന്നു അപകടം. കുണ്ടറയിൽ നിന്നെത്തിയ ഫയർഫോഴ്സാണ് 40 അടിയുള്ള കിണറ്റിൽനിന്ന് ഇയാളെ രക്ഷപ്പെടുത്തിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.