നടുത്തേരിയിൽ കേരള കോൺഗ്രസ്-ബി ഒാഫിസ് അടിച്ചുതകർത്തു കുന്നിക്കോട്: കേരള കോൺഗ്രസ്- ബി ഓഫിസ് അടിച്ചുതകർത്തു. തലവൂർ നടുത്തേരിയിലെ ഓഫിസാണ് കഴിഞ്ഞദിവസം രാത്രി അക്രമികള്‍ തകർത്തത്. ഓഫിസിെൻറ ബോർഡുകളും പാർട്ടി ചെയർമാൻ ആർ. ബാലകൃഷ്ണപിള്ളയുടെയും ഗണേഷ് കുമാറിെൻറയും ഫോട്ടോ പതിച്ച ഫ്ലക്സ് ബോർഡുകളും സമീപത്തായി സ്ഥാപിച്ചിരുന്ന ചെടിച്ചട്ടികളും ആസ്ബറ്റോസ് ഷീറ്റുകളും അക്രമികൾ നശിപ്പിച്ചു. രാത്രി 11 വരെ പ്രവർത്തകർ ഓഫിസിലുണ്ടായിരുന്നു. അതിനുശേഷമാണ് ആക്രമണം നടന്നത്. പാർട്ടി ഭാരവാഹിയായ കിഴക്കേഭാഗം പഞ്ചായത്ത് അംഗത്തിെൻറ വാർഡിലെ വികസന പ്രവൃത്തികൾ കാണിച്ച് സ്ഥാപിച്ചിരുന്ന ഫ്ലക്സ് ബോർഡുകളും നശിപ്പിക്കപ്പെട്ടിട്ടുണ്ട്. സംഭവത്തിൽ കുന്നിക്കോട് പൊലീസിൽ പരാതി നൽകി. പൊലീസ് സ്ഥലത്തെത്തി അന്വേഷണം ആരംഭിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.