കുണ്ടറ: പിതാവിനെയും മകനെയും കൊലപ്പെടുത്താൻ ശ്രമിച്ച കേസിൽ ശിക്ഷിക്കപ്പെട്ട് ഒളിവിൽ കഴിഞ്ഞിരുന്നയാൾ പിടിയിൽ. ചെറുമൂട് ഷിബു നിവാസിൽ ജോസ് (50) ആണ് പിടിയിലായത്. ജോസും ബന്ധുക്കളായ വിക്ടറും ഷിബുവുമാണ് കേസിലെ പ്രതികൾ. പുലിയോരം സിറാമിക്സ് ഫാക്ടറിക്കുസമീപം ജനീഷ് ഭവനിൽ ജേക്കബിനെയും മകൻ ജിൻറുമോനെയുമാണ് ആക്രമിച്ചത്. ഫെബ്രുവരി 18ന് രാത്രി 10.20ഓടെ മാരകായുധങ്ങളുമായി വീട്ടിൽ അതിക്രമിച്ചുകടന്നായിരുന്നു ആക്രമണം. 2014ൽ കോടതി ഒരുവർഷം കഠിനതടവും പിഴയും ശിക്ഷിെച്ചങ്കിലും പ്രതി കീഴടങ്ങിയിരുന്നില്ല. കോടതി വാറൻറ് പുറപ്പെടുവിച്ചതോടെ പൊലീസ് പ്രതിയെ പിടികൂടി കോടതിയിൽ ഹാജരാക്കി. കുണ്ടറ സി.ഐ എ. ജയകുമാർ, സ്റ്റേഷൻ എസ്.ഐ എ. നൗഫൽ എന്നിവരുടെ നേതൃത്വത്തിലുള്ള പൊലീസ് സംഘമാണ് പ്രതിയെ പിടികൂടിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.