തിരുവനന്തപുരം: ശശികലയുടെ വിവാദ പ്രസംഗത്തിനെതിരെ വിദ്യാഭ്യാസ വകുപ്പ് നടപടിയെടുക്കണമെന്ന് കെ.പി.എസ്.ടി.എ. രാജ്യദ്രോഹ പ്രസംഗം നടത്തുന്നവർക്കെതിരെ ചെറുവിരൽ അനക്കാത്ത ഇടതുസർക്കാർ നടപടി അപലപനീയമാണ്. പൊതുവിദ്യാഭ്യാസ സംരക്ഷണ യജ്ഞത്തിനുവേണ്ടി വാതോരാതെ പ്രസംഗിക്കുന്ന അധ്യാപകനായ വിദ്യാഭ്യാസ മന്ത്രി നാളിതുവരെ ഇതിനെതിരെ ഒരക്ഷരം ഉരിയാടിയിട്ടില്ല. ശശികല ടീച്ചറിനെതിരെ വകുപ്പുതല നടപടിയെടുക്കാൻ വിദ്യാഭ്യാസ മന്ത്രി തയാറാകണമെന്നും ആവശ്യം ഉയർന്നു. യോഗത്തിൽ സംസ്ഥാന ജന. സെക്രട്ടറി ടി.എസ്. സലിം, സീനിയർ വൈസ് പ്രസിഡൻറ് എം. സലാഹുദ്ദീൻ, സെക്രട്ടറിമാരായ ജെ. മുഹമ്മദ് റാഫി, വട്ടപ്പാറ അനിൽ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.