തിരുവനന്തപുരം: കെ.പി.സി.സി ഭാരവാഹി തെരഞ്ഞെടുപ്പ് സ്റ്റേ ചെയ്യണമെന്നാവശ്യപ്പെട്ട് നൽകിയ ഹരജി തള്ളി. കോൺഗ്രസ് പ്രവർത്തകനായ എസ്. ബാഹുവാണ് െതരഞ്ഞെടുപ്പ് നിർത്തിവെക്കണമെന്നും സംഘടനയിൽ സ്വജനപക്ഷപാതമുണ്ടെന്നും ആരോപിച്ച് ഹരജി നൽകിയത്. ഇതിനെതുടർന്ന് കോടതി സെപ്റ്റംബർ 28ന് ഇടക്കാല സ്റ്റേ നൽകിയിരുന്നു. എന്നാൽ, കോൺഗ്രസിന് സ്വന്തം ഭരണഘടന നിലവിലുണ്ടെന്നും തെരഞ്ഞെടുപ്പ് തീയതി പ്രഖ്യാപിച്ച സാഹചര്യത്തിൽ നടപടികൾ പൂർത്തിയാക്കിയ ശേഷം മാത്രമേ കോടതികൾ ഇടപെടാവൂ എന്ന് സുപ്രീംകോടതി വിധി നിലനിൽക്കുന്നുണ്ടെന്ന് കെ.പി.സി.സിയുടെ അഭിഭാഷകർ വാദിച്ചു. ഇതു കണക്കിലെടുത്ത് തിരുവനന്തപുരം മുൻസിഫ് കോടതി ഹരജി തള്ളുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.