യു.പി സ്​കൂൾ വിദ്യാർഥികൾ തടഞ്ഞുവെച്ചു; ഹെഡ്മിസ്​ട്രസ്​ അവധിയിൽപോയി

പരവൂർ: വിദ്യാർഥികൾ തടഞ്ഞുവെച്ചതിനെത്തുടർന്ന് യു.പി സ്കൂൾ ഹെഡ്മിസ്ട്രസ് അവധിയിൽ പ്രവേശിച്ചു. പൂതക്കുളം കലയ്ക്കോട്ട് ഗവ. യു.പി സ്കൂളിലെ വിദ്യാർഥികളാണ് ഹെഡ്മിസ്ട്രസിനെ ഓഫിസിൽ തടഞ്ഞത്. വിദ്യാർഥികളെയും രക്ഷാകർത്താക്കളെയും അധ്യാപകരെയും ഹെഡ്മിസ്ട്രസ് നിരന്തരം ആക്ഷേപിച്ചുവരുന്നതിൽ പ്രതിഷേധിച്ചായിരുന്നു സമരം. വിവരമറിഞ്ഞ് പഞ്ചായത്തംഗവും തുടർന്ന് പഞ്ചായത്ത് പ്രസിഡൻറും പൊലീസും എത്തി സംസാരിച്ചെങ്കിലും ഫലമുണ്ടായില്ല. ചാത്തന്നൂർ എ.ഇ.ഒ എത്തി പ്രശ്നത്തിന് പരിഹാരം കാണാമെന്ന് ഉറപ്പുനൽകിയതിനെത്തുടർന്നാണ് കുട്ടികൾ പിന്തിരിഞ്ഞത്. എ.ഇ.ഒയുടെ നിർദേശപ്രകാരമാണ് ഹെഡ്മിസ്ട്രസ് അവധിയിൽ പോയത്..