സംഘ്പരിവാറിെൻറ രാഷ്ട്രീയ അജണ്ടകൾക്ക് വിദ്യാഭ്യാസമന്ത്രി കൂട്ടുനിൽക്കുന്നു -കെ.വി. സഫീർഷാ തിരുവനന്തപുരം: ദീൻദയാൽ ഉപാധ്യായയുടെ ജന്മശതാബ്ദി ആഘോഷങ്ങൾ സംസ്ഥാനത്തെ വിദ്യാഭ്യാസസ്ഥാപനങ്ങളിൽ നടത്തണമെന്ന വിദ്യാഭ്യാസവകുപ്പിെൻറ സർക്കുലറിലൂടെ വിദ്യാഭ്യാസമന്ത്രി പ്രഫ. രവീന്ദ്രനാഥ് സംഘ് അജണ്ടകൾക്ക് കൂട്ടുനിൽക്കുകയാണെന്ന് തെളിഞ്ഞെന്ന് ഫ്രറ്റേണിറ്റി സംസ്ഥാന പ്രസിഡൻറ് കെ.വി. സഫീർഷാ. സംഘ്പരിവാർ അവരുടെ അജണ്ടകൾ നടപ്പാക്കുന്നത് പ്രധാനമായും വിദ്യാഭ്യാസമേഖലയിലൂടെയാണ് . ഈ വിഷയവുമായി ബന്ധപ്പെട്ട് സമീപകാലത്ത് കേരളത്തിൽ നടന്ന പല സംഭവങ്ങളിലും സംസ്ഥാന സർക്കാറും വിദ്യാഭ്യാസമന്ത്രിയും തീർത്തും ഉദാസീനമായ നിലപാടാണ് സ്വീകരിച്ചിരിക്കുന്നത്. ഒരു ഭാഗത്ത് സംഘ് വിരുദ്ധ വീരസ്യങ്ങൾ പ്രസംഗിക്കുകയും മറുഭാഗത്ത് സംഘ് അജണ്ടകൾക്ക് വെള്ളവും വളവും നൽകുകയും ചെയ്യുന്ന ഇരട്ടത്താപ്പ് സംസ്ഥാനസർക്കാർ അവസാനിപ്പിക്കണം. കുറുക്കുവഴികളിലൂടെ സംഘ് വിധേയത്വം പ്രകടിപ്പിക്കാനും നടപ്പാക്കാനും കൂട്ടുനിൽക്കുന്ന വിദ്യാഭ്യാസ മന്ത്രിയെ ഫ്രറ്റേണിറ്റി മൂവ്മെൻറ് തെരുവിൽ വിചാരണ ചെയ്യുമെന്നും അദ്ദേഹം പ്രസ്താവനയിൽ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.