കാട്ടാക്കട: പൂവച്ചൽ ഗ്രാമ പഞ്ചായത്തിലെ തൊഴിലുറപ്പ് പദ്ധതി നടത്തിപ്പ് ഉദ്യോഗസ്ഥരെ കൂട്ടത്തോടെ പിരിച്ചുവിട്ട് പദ്ധതി അട്ടിമറിച്ചതിൽ പ്രതിഷേധിച്ച് പഞ്ചായത്ത് ഭരണ സമിതിയിലെ കോൺഗ്രസ് അംഗങ്ങൾ തിങ്കളാഴ്ച കമ്മിറ്റി ബഹിഷ്കരിച്ച് ഓഫിസിന് മുന്നിൽ ധർണ നടത്തി. പ്രതിപക്ഷ നേതാവ് വി. ശ്രീകണ്ഠൻ ഉദ്ഘാടനം ചെയ്തു. 100 തൊഴിൽ ദിനങ്ങൾ പൂർത്തിയാക്കിയ തൊഴിലാളിക്ക് നൽകേണ്ട 1000 രൂപ പ്രത്യേക ധന സഹായം വിതരണം ചെയ്യുന്നില്ലെന്നും അംഗങ്ങൾ ആരോപിച്ചു. തൊഴിൽ നൽകാത്ത സാഹചര്യത്തിൽ സർക്കാർ ഉത്തരവനുസരിച്ച് തൊഴില്ലായ്മാ വേതനം നൽകണമെന്നും ആവശ്യപ്പെട്ടു. ആർ. രാഘവലാൽ, അഡ്വ. രമ്യ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.