തിരുവനന്തപുരം: 11 ജില്ലകളിലെ 18 തദ്ദേശ സ്വയംഭരണ വാർഡുകളിൽ ജൂലൈ 18ന് ഉപതെരഞ്ഞെടുപ്പ് നടത്താൻ തീരുമാനിച്ചതായി സംസ്ഥാന തെരഞ്ഞെടുപ്പു കമീഷണർ വി. ഭാസ്കരൻ അറിയിച്ചു. തിരുവനന്തപുരം, പത്തനംതിട്ട, കോട്ടയം, തൃശൂർ, പാലക്കാട്, മലപ്പുറം, വയനാട്, കണ്ണൂർ ജില്ലകളിലെ 13 ഗ്രാമപഞ്ചായത്ത് വാർഡുകളിലും മലപ്പുറം, കോഴിക്കോട്, കാസർകോട് ജില്ലകളിലെ മൂന്നു നഗരസഭ വാർഡുകളിലും ആലപ്പുഴ, കണ്ണൂർ ജില്ലകളിലെ ഒരോ ബ്ലോക്ക് പഞ്ചായത്ത് വാർഡിലുമാണ് ഉപതെരഞ്ഞെടുപ്പ് നടത്തുന്നത്. മാതൃകാ പെരുമാറ്റച്ചട്ടം ജൂൺ 19ന് നിലവിൽ വന്നു. 23 മുതൽ നാമനിർദേശം സമർപ്പിക്കാം. പത്രിക സമർപ്പിക്കാനുള്ള അവസാന തീയതി ജൂൺ 30. പത്രികകളുടെ സൂക്ഷ്മ പരിശോധന ജൂലൈ ഒന്നിനും സ്ഥാനാർഥിത്വം പിൻവലിക്കാനുളള അവസാന തീയതി മൂന്നുമാണ്. വോട്ടെടുപ്പ് രാവിലെ ഏഴിന് ആരംഭിച്ച് വൈകീട്ട് അഞ്ചിന് അവസാനിക്കും. 19ന് രാവിലെ 10ന് വോട്ടെണ്ണൽ ആരംഭിക്കും. ഇതിനകം പ്രസിദ്ധീകരിച്ചിട്ടുള്ള 18 തദ്ദേശഭരണ വാർഡുകളിലെ വോട്ടർപട്ടികയിൽ പേര് ചേർക്കുന്നതിനും തിരുത്തുന്നതിനും ജൂൺ 21 വരെ അവസരമുണ്ടാകും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.