കൊല്ലം: പകർച്ചപ്പനി നിയന്ത്രണ പരിപാടികളുടെ ഭാഗമായി മൈനാഗപ്പള്ളി ജീനിസ് അക്കാദമിയിൽ സംയുക്ത മെഡിക്കൽ ക്യാമ്പ് സംഘടിപ്പിച്ചു. അലോപ്പതി, ആയുർവേദം, ഹോമിയോ വിഭാഗങ്ങളിലെ ഡോക്ടർമാർ രോഗികളെ പരിശോധിച്ചു മരുന്നുകൾ വിതരണം ചെയ്തു. ഡെങ്കിപ്പനി ബാധിച്ചതായി സംശയിക്കപ്പെടുന്ന 25 പേരുടെ രക്തസാമ്പിളുകൾ പരിശോധനക്കായി ശേഖരിച്ചു. മൈനാഗപ്പള്ളി ഗ്രാമപഞ്ചായത്ത് പ്രസിഡൻറ് പി.എസ്. ജയലക്ഷ്മി ക്യാമ്പ് ഉദ്ഘാടനം ചെയ്തു. ആരോഗ്യ സ്റ്റാൻഡിങ് കമ്മിറ്റി ചെയർപേഴ്സൺ ശാന്തകുമാരിയമ്മ, വാർഡ് അംഗം ഷാജഹാൻ എന്നിവർ പങ്കെടുത്തു. മൈനാഗപ്പള്ളി സാമൂഹികാരോഗ്യ കേന്ദ്രം മെഡിക്കൽ ഓഫിസർ ഡോ. മഞ്ജുഷ, ആയുർവേദ മെഡിക്കൽ ഓഫിസർ ഡോ. സ്വപ്ന, ഹോമിയോ മെഡിക്കൽ ഓഫിസർമാരായ ഡോ. സ്നേഹ സീമ, ഡോ. ഇന്ദു എന്നിവർ പങ്കെടുത്തു. ഡെപ്യൂട്ടി മാസ് മീഡിയ ഓഫിസർ എ. സുനിൽകുമാർ ബോധവത്കരണ ക്ലാസ് നയിച്ചു. പബ്ലിക് ഹെൽത്ത് നഴ്സ് സൂപ്പർവൈസർ വിനോദിനിയമ്മ, ജൂനിയർ ഹെൽത്ത് ഇൻസ്പെക്ടർമാർ എന്നിവർ ക്യാമ്പിന് നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.