നെടുമങ്ങാട്: ഓംലെറ്റിൽ എലിക്കാഷ്ഠമെന്ന പരാതിയെ തുടർന്ന് കുടുംബശ്രീ വനിത കാൻറീനിൽ ആരോഗ്യവകുപ്പിെൻറ പരിശോധന. തിങ്കളാഴ്ച രാവിലെ നെടുമങ്ങാട് നഗരസഭ മാർക്കറ്റിനകത്ത് കുടുംബശ്രീ വനിത കാൻറീനിലാണ് സംഭവം. മാർക്കറ്റിലെ പച്ചക്കറി വ്യാപാര സ്ഥാപനത്തിലെ തൊഴിലാളിക്ക് നൽകിയ ഓംലെറ്റിലാണ് എലിക്കാഷ്ഠമാണ് കണ്ടത്. ഇത് ചോദ്യം ചെയ്തതോടെ കാൻറീൻ നടത്തിപ്പുകാരായ വനിതകൾ ഇയാൾക്കെതിരെ തിരിയുകയും ഓംലെറ്റ് നശിപ്പിക്കുകയും ചെയ്തുവെത്ര. സംഭവം അറിയിച്ചതനുസരിച്ച് നഗരസഭ ആരോഗ്യ വിഭാഗത്തിലെ റാം കിരൺ, റഹിംഖാൻ, ശരണ്യ അനുരാജ് എന്നിവരുടെ നേതൃത്വത്തിൽ കാൻറീൻ പരിശോധന നടത്തി. വൃത്തിഹീനമായി പ്രവർത്തിക്കുന്ന കാൻറീനെതിരെ നോട്ടീസ് നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.