കടയ്ക്കൽ: ചടങ്ങിൽ പെങ്കടുത്തവർക്കെല്ലാം വൃക്ഷത്തൈ നൽകി ഗ്രീൻപ്രോേട്ടാക്കോൾ പാലിച്ചൊരു വിവാഹം. കടയ്ക്കൽ ഗാഗോ കൺവെൻഷൻ സെൻററിൽ ശനിയാഴ്ച നടന്ന വിവാഹചടങ്ങിൽ സംബന്ധിച്ചവർക്കാണ് പലതരത്തിലുള്ള വൃക്ഷത്തൈകൾ സമ്മാനമായി ലഭിച്ചത്. കടയ്ക്കൽ ലൈസി ഭവനിൽ ബാങ്ക് ഉദ്യോഗസ്ഥൻ സതീഷ്കുമാറിെൻറയും അധ്യാപിക ലൈസിയുടെയും മകൾ വൈഷ്ണവിയുടേതായിരുന്നു വിവാഹം. തിരുവനന്തപുരം കരമന സ്വദേശി അമലാണ് വരൻ. മാവ്, പ്ലാവ്, നെല്ലി, റമ്പൂട്ടാൻ, മാേങ്കാസ്റ്റിൻ, കുടംപുളി തുടങ്ങിയ ഫലവൃക്ഷങ്ങളുടെയും കരിങ്ങാലി ഉൾപ്പെടെയുള്ള ഒൗഷധങ്ങളുടെയും തൈകളാണ് നൽകിയത്. കവി കുരീപ്പുഴ ശ്രീകുമാർ അഡ്വ. രവീന്ദ്രകുമാറിന് വൃക്ഷത്തൈ സമ്മാനിച്ച് ഉദ്ഘാടനം നിർവഹിച്ചു. പാലോട് ട്രോപ്പിക്കൽ ബൊട്ടാണിക്കൽ ഗാർഡനിൽനിന്ന് ആയിരത്തിലധികം വൃക്ഷത്തൈകൾ ഇതിനായി കൊണ്ടുവന്നിരുന്നു. തൈകൾ കൊണ്ടുപോകുന്നതിനായി വധൂവരന്മാരുടെ പേര് അച്ചടിച്ച തുണിസഞ്ചിയും നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.