ആറ്റിങ്ങൽ: വാഹനാപകടത്തിൽ പരിക്കേറ്റ് സ്വകാര്യ ആശുപത്രിയിൽ ചികിത്സയിലിരുന്നയാൾ മരിച്ചു. ആറ്റിങ്ങൽ അവനവഞ്ചേരി ടോൾമുക്ക് തെറ്റിക്കുഴിവിള വീട്ടിൽ (ഉത്രം) ബൈജു (50) ആണ് മരിച്ചത്. ജൂൺ 29ന് രാവിലെ ചെമ്പകമംഗലം ജങ്ഷന് സമീപമായിരുന്നു അപകടം. ആറ്റിങ്ങലിൽ സ്വകാര്യ ബസിലെ കണ്ടക്ടറായിരുന്ന ബൈജു നിലവിൽ തിരുവനന്തപുരത്ത് ഹിന്ദു ദിനപത്രത്തിെൻറ സെക്യൂരിറ്റി ജോലി നോക്കിവരികയായിരുന്നു. ഡ്യൂട്ടിക്കായി തിരുവനന്തപുരത്തേക്ക് സ്കൂട്ടറിൽ പോകുമ്പോൾ അജ്ഞാതവാഹനം ഇടിച്ചായിരുന്നു അപകടം. തലക്ക് പരിക്കേറ്റ ബൈജുവിനെ ഉടൻ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും വെള്ളിയാഴ്ച രാത്രിയോടെ മരിക്കുകയായിരുന്നു. ഭാര്യ: സുനി. മക്കൾ: സ്വാതി, നിജി. മരുമകൻ: സാജൻ. സഞ്ചയനം ബുധനാഴ്ച രാവിലെ എട്ടിന്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.