കൊല്ലം: വിദേശത്ത് ജോലി വാഗ്ദാനം ചെയ്ത് നിരവധി പേരെ കബളിപ്പിച്ച് ലക്ഷങ്ങളുടെ തട്ടിപ്പ് നടത്തിയയാൾ അറസ്റ്റിൽ. കൊല്ലം പള്ളിത്തോട്ടം അർച്ചന നഗർ -ഒമ്പത് സജു ഭവനിൽ വിൻസെൻറിെൻറ മകൻ വിനോദാണ് (48) അറസ്റ്റിലായത്. ഇയാളിൽനിന്ന് നിരവധി പാസ്പോർട്ടുകൾ പിടിച്ചെടുത്തു. ഇസ്രായേലിൽ വിവിധ കമ്പനികളിൽ ജോലി തരപ്പെടുത്തി കൊടുക്കാമെന്ന് പറഞ്ഞാണ് ഇയാൾ 50,000 രൂപ മുതൽ 1,00,000 രൂപ വരെ കൈപ്പറ്റിയത്. ശക്തികുളങ്ങര സ്വദേശിയായ സച്ചിൻ എന്നയാളുടെ പരാതിയിലാണ് ഇയാളെ അറസ്റ്റ് ചെയ്തത്. കൊല്ലം ബീച്ച് റോഡിൽ റോയൽ ട്രാവൽസ് എന്ന സ്ഥാപനം നടത്തിയാണ് ഇയാൾ ആൾക്കാരെ വഞ്ചിച്ചത്. വിസിറ്റിങ് വിസയിൽ ഇസ്രായേലിൽ എത്തിയശേഷം അവിടെ ജോലി തരപ്പെടുത്തി കൊടുക്കാമെന്നാണ് ഇടപാടുകാരെ വിശ്വസിപ്പിച്ചിരുന്നത്. കൊല്ലം എ.സി.പി ജോർജ് കോശിയുടെ നേതൃത്വത്തിൽ ഇൗസ്റ്റ് സി.െഎ മഞ്ചുലാൽ, ഇൗസ്റ്റ് എസ്.െഎ ജയകൃഷ്ണൻ, അഡീഷനൽ എസ്.െഎ അബ്ദുൽ റഹ്മാൻ, എ.എസ്.െഎ സുരേഷ്, സി.പി.ഒ ബിനു എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.