നിർമാണം പൂർത്തിയായിട്ടും പൂട്ട്​ തുറക്കാതെ ആയുർവേദ ആശുപത്രി കെട്ടിടം ​

ബാലരാമപുരം: നിർമാണം പൂർത്തിയായ ആയുർവേദ ആശുപത്രി കെട്ടിടം ഉദ്ഘാടനത്തിനായി കാത്തുകിടക്കുന്നു. ജനകീയാസൂത്രണ പദ്ധതിയുടെ ഭാഗമായി 2013-14 കാല ഘട്ടത്തിലാണ് തെക്കേകുളത്ത് ആയുർവേദ ആശുപത്രി കെട്ടിടത്തിന് തറക്കല്ലിട്ടത്. കെട്ടിടം പൂർത്തിയായി മൂന്നു മാസം കഴിയുമ്പോഴും ഉദ്ഘാടനം നടന്നിട്ടില്ല. നിലവിൽ ബാലരാമപുരം മാർക്കറ്റിന് സമീപെത്ത ആയുർവേദ ആശുപത്രിയുടെ പ്രവർത്തനം അസൗകര്യങ്ങൾക്ക് നടുവിലാണ്. പഞ്ചായത്ത് തെക്കേകുളത്ത് അനുവദിച്ച 20-സ​െൻറ് സ്ഥലത്തായിരുന്നു നിർമാണം. ശശിതരൂർ എം.പിയുടെ ഫണ്ടിൽനിന്ന് 25-ലക്ഷം രൂപയും അനുവദിച്ചിരുന്നു. കെട്ടിടം പൂർത്തിയായാതോടെ കിടത്തിച്ചികിത്സ സൗകര്യത്തോടെയുള്ള ആശുപത്രിയുടെ പ്രവർത്തനം ആരംഭിക്കുമെന്ന പ്രതീക്ഷയിലാണ് നാട്ടുകാരും.