ബാലരാമപുരം: ആനുകൂല്യം നൽകിയില്ലെന്നാരോപിച്ച് വനിത വാർഡ് അംഗത്തെ മർദിച്ചയാൾ പിടിയിൽ. ആർ.സി സ്ട്രീറ്റ് വാർഡ് അംഗം പ്രമീള കുമാരിക്കാണ് മർദനമേറ്റത്. ഇവർ നെയ്യാറ്റിൻകര ജില്ല ജനറൽ ആശുപത്രിയിൽ ചികിത്സതേടി. സംഭവുമായി ബന്ധപ്പെട്ട് ബാലരാമപുരം, അയണിമൂട്, പുളിയറത്തലവീട്ടിൽ താമസിക്കുന്ന ശെൽവരാജി(38)നെയാണ് പിടികൂടിയത്. വെള്ളിയാഴ്ച വൈകീട്ട് 6.30നാണ് സംഭവം. പഞ്ചായത്തിൽനിന്ന് വീട്ടിലേക്ക് പോകുമ്പോൾ സമീപവാസിയായ ശെൽവൻ പ്രമീളകുമാരിയെ ആക്രമിക്കുകയായിരുന്നു. മെബൈൽവാങ്ങി നിലത്തെറിഞ്ഞ് പൊട്ടിച്ചശേഷം മുഖത്തും കൈയിലും മർദിെച്ചന്നാണ് പരാതി. പ്രതിയെ നാട്ടുകാർ പിടികൂടി പൊലീസിലേൽപിക്കുകയായിരുന്നു. ആനുകൂല്യം നൽകുന്നില്ലെന്ന് അസഭ്യവർഷം നടത്തിയായിരുന്നു ആക്രമണമത്രേ. സംഭവംനടന്ന് മണിക്കൂറുകൾ കഴിഞ്ഞിട്ടും ബാലരാമപുരം പൊലീസ് മഹസർ തയാറാക്കുന്നതിന് പോയില്ലെന്നും പാർട്ടി പ്രവർത്തകരിൽ ചിലർ ആരോപണമുയർത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.