തിരുവനന്തപുരം: - ചാക്ക--കോവളം ദേശീയപാതയിൽ സ്കൂട്ടറിൽ ലോറി ഇടിച്ച് സ്കൂട്ടർ യാത്രക്കാരൻ മരിച്ചു. വെമ്പായം കന്യാകുളങ്ങര ഹൈസ്കൂളിന് സമീപം സുധീർ മൻസിലിൽ കബീർ ആണ്(44) മരിച്ചത്. ദേശീയപാതയിൽ മുട്ടത്തറ കല്ലുംമൂട് ഭാഗത്ത് ഉച്ചക്ക് 2.30 ഒാടെയായിരുന്നു അപകടം ഉണ്ടായത്. വിഴിഞ്ഞത്ത് ബന്ധുവീട്ടിലെ ചടങ്ങിൽ പങ്കെടുത്ത ശേഷം മടങ്ങവെ സഞ്ചരിച്ചിരുന്ന സ്കൂട്ടറിൽ ലോറി ഇടിക്കുകയായിരുന്നു. കന്യാകുളങ്ങരയിൽ ഫാൻസി കട നടത്തുകയാണ് കബീർ. ഭാര്യ: സുനിത. മക്കൾ: - സുധീർ, ആലിയ. ഖബറടക്കം ബുധനാഴ്ച കന്യാകളങ്ങര ജമാഅത്ത് ഖബർസ്ഥാനിൽ. ട്രാഫിക് പൊലീസ് കേസെടുത്ത് അന്വേഷണം ആരംഭിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.