ചവറ: ദേശീയപാതയിൽ സൂപ്പർഫാസ്റ്റ് ബസിനടിയിൽപെട്ട് ബൈക്ക് യാത്രികരായ യുവാക്കൾക്ക് ഗുരുതരപരിക്കേറ്റു. പന്മന നെറ്റിയാട് ശ്രീനിനിവാസിൽ ശ്രീനി (37), സുഹൃത്ത് പന്മന മാവേലി കൊല്ലൻറയ്യത്ത് പ്രകാശ് (32) എന്നിവർക്കാണ് പരിക്കേറ്റത്. വ്യാഴാഴ്ച രാത്രി 9.20ഓടെ വെറ്റമുക്കിലാണ് അപകടം. കരുനാഗപ്പള്ളിയിൽനിന്ന് ബൈക്കിൽ ഇരുവരും വീട്ടിലേക്ക് പോകവെ കരുനാഗപ്പള്ളി ഭാഗത്തേക്ക് പോകുകയായിരുന്ന കെ.എസ്.ആർ.ടി.സി സൂപ്പർ ഫാസ്റ്റ് ബസിലിടിച്ച് റോഡിലേക്ക് വീഴുകയായിരുന്നു. എതിരെ വന്ന ബസിലിടിച്ചതാണ് പരിക്കേൽക്കാൻ കാരണം. ഓടിയെത്തിയ നാട്ടുകാരാണ് ഇരുവരെയും പെട്ടെന്ന് തന്നെ ആശുപത്രിയിലെത്തിച്ചത്. തലക്കും കാലിനും ഗുരുതര പരിക്കേറ്റ ഇരുവരെയും ആലപ്പുഴ വണ്ടാനം മെഡിക്കൽ കോളജിൽ പ്രവേശിപ്പിച്ചു. അപകടത്തെ തുടർന്ന് ഏറെനേരം ഗതാഗതം തടസ്സപ്പെട്ടു. ചവറ പൊലീസ് സ്ഥലത്തെത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.