തിരുവനന്തപുരം: കായികാധ്യാപക തസ്തിക നിർണയ മാനദണ്ഡങ്ങൾ കാേലാചിതമായി പരിഷ്കരിച്ച് തസ്തികകൾ സൃഷ്ടിക്കുകയും സംരക്ഷിക്കുകയും ചെയ്യാത്തതിൽ പ്രതിഷേധിച്ച് സംയുക്ത കായികാധ്യാപക സംഘടന സർക്കാറിന് സമര നോട്ടീസ് നൽകിയിരുന്നെങ്കിലും അനുകൂല തീരുമാനമുണ്ടാകാത്ത സാഹചര്യത്തിൽ കേരളത്തിലെ മുഴുവൻ സ്പോർട്സ് ആൻഡ് ഗെയിംസ് ഉപജില്ല സെക്രട്ടറിമാരും തൽസ്ഥാനം രാജിവെച്ച് കായിക മേളകൾ ബഹിഷ്കരിക്കാൻ തീരുമാനിച്ചു. ആഗസ്റ്റ് അഞ്ചിന് നടക്കുന്ന ആരോഗ്യ കായിക വിദ്യാഭ്യാസ പരിശീലന പരിപാടി പ്രതിഷേധദിനമായി ആചരിക്കാനും എട്ടിന് ജില്ല വിദ്യാഭ്യാസ ഉപഡയറക്ടർ ഒാഫിസുകൾക്ക് മുന്നിൽ ധർണ നടത്താനും ഒപ്പം എല്ലാ റവന്യൂ ജില്ല, ഉപജില്ല സ്കൂൾ ഗെയിംസ് അസോസിയേഷൻ സെക്രട്ടറിമാർ രാജിവെക്കാനും തീരുമാനിച്ചു. അധ്യാപകഭവൻ ഒാഡിറ്റോറിയത്തിൽ ചേർന്ന യോഗത്തിൽ കെ.പി.എസ്.പി.ഇ.ടി.എ സംസ്ഥാന പ്രസിഡൻറ് റെജി ഇട്ടൂപ്പ് അധ്യക്ഷതവഹിച്ചു. ഡി.പി.ഇ ടി.എ പ്രസിഡൻറ് കെ.എം. ബല്ലാൾ, കെ.പി.എസ്.പി.ഇ.ടി.എ സംസ്ഥാന സെക്രട്ടറി ഷാജു. ടി, വിവിധ ജില്ല സെക്രട്ടറിമാർ എന്നിവർ സംസാരിച്ചു. ഡി.പി.ഇ.ടി.എ സംസ്ഥാന സെക്രട്ടറി ഫാറൂഖ് പത്തൂർ സ്വാഗതവും കെ.പി.എസ്.പി.ഇ.ടി.എ സംസ്ഥാന ട്രഷറർ സ്റ്റീഫൻ മാത്യു നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.