വാടാനപ്പള്ളി: കനോലി പുഴയിൽ നടന്ന നാലാമത് നടുവിൽക്കര ജലോത്സവത്തിൽ സി ഗ്രേഡ് വള്ളങ്ങളുടെ വിഭാഗത്തിൽ ഇല്ലിക്കൽ ബി.ബി.സി തുഴഞ്ഞ പമ്പാവാസൻ വള്ളം ജേതാക്കളായി. വാശിയേറിയ മത്സരത്തിൽ പാടൂർ യുവജന കലാസമിതിയുടെ പൊഞ്ഞനത്തമ്മ നമ്പർ 3 വള്ളത്തെ ഒരു വള്ളപ്പാട് വ്യത്യാസത്തിൽ പിന്തള്ളിയാണ് പമ്പാവാസൻ ട്രോഫി നേടിയത്. കരാഞ്ചിറ പി.ബി.സിയുടെ പൊഞ്ഞനത്തമ്മ നമ്പർ 2 വള്ളം മൂന്നാം സ്ഥാനം നേടി. നാടൻ വള്ളങ്ങളുടെ മത്സരത്തിൽ നടുവിൽക്കര പൗർണമി ടീം ഒന്നാം സ്ഥാനം നേടി. ന്യൂ ബ്രദേഴ്സ് മുപ്പട്ടിത്തറ രണ്ടാം സ്ഥാനവും തൊയക്കാവ് സ്വാമി വിവേകാനന്ദ മൂന്നാം സ്ഥാനവും കരസ്ഥമാക്കി. നടുവിൽക്കര ബി.സി.എൻ ക്ലബ് സംഘടിപ്പിച്ച ജലോത്സവം ടി.എൻ.പ്രതാപൻ എം.പി ഉദ്ഘാടനം ചെയ്തു. ജലഘോഷയാത്ര വാടാനപ്പള്ളി പഞ്ചായത്ത് പ്രസിഡൻറ് ഷിജിത്ത് വടക്കുഞ്ചേരി ഫ്ലാഗ് ഓഫ് ചെയ്തു. വിജയികൾക്ക് വാടാനപ്പളളി സി.ഐ സി.ആർ.ബിജു ട്രോഫി നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.