തൃശൂർ: മാർഗി സതി ആട്ടപ്രകാരം എഴുതി ചിട്ടപ്പെടുത്തിയ ശ്രീരാമചരിതം നങ്ങ്യാരമ്മക്കൂത്തിൻെറ സമ്പൂർണാവതരണം യജ്ഞം ശനിയാഴ്ച തെക്കെ സ്വാമിയാർമഠത്തിൽ ആരംഭിക്കും. എല്ലാ മാസവും മൂന്നാമത്തെ ശനിയാഴ്ചകളിൽ 40 അവതാരങ്ങളിലൂടെയാണ് നങ്ങ്യാരമ്മക്കൂത്ത് പൂർണമാകുക. സീതയായി കലാമണ്ഡലം സിന്ധു അരങ്ങിലെത്തും. കലാമണ്ഡലം ജയരാജ്, കലാമണ്ഡലം മണികണ്ഠൻ, കലാമണ്ഡലം വിജയ്, കലാമണ്ഡലം രാഹുൽ (മിഴാവ്), കലാനിലയം രാജൻ (ഇടയ്ക്ക), കലാമണ്ഡലം നില, കലാമണ്ഡലം അശ്വതി (താളം) എന്നിവർ അകമ്പടിയാകും. ശനിയാഴ്ച 5.30ന് മാർഗി സതി അനുസ്മരണത്തോടെ ചടങ്ങ് ആരംഭിക്കും. ഡോ.പി. വേണുഗോപാലൻ, ഡോ.എൻ.ആർ. ഗ്രാമപ്രകാശ് എന്നിവർ പ്രഭാഷണം നടത്തും. 6.30നു കൂത്ത് ആരംഭിക്കും.ഞായറാഴ്ച ആറ് മണിക്ക് നിർവഹണാരംഭവും ഉണ്ടാകുമെന്ന് കലാമണ്ഡലം സിന്ധു, കലാമണ്ഡലം സജിത് വിജയൻ എന്നിവർ വാർത്തസമ്മേളനത്തിൽ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.