തൃശൂർ: കോർപറേഷനിൽ കെട്ടിട നിർമാണ അനുമതിക്കായി കെട്ടിക്കിടക്കുന്നത് 1076 അപേക്ഷകൾ. കോർപറേഷൻ മെയിൻ ഓഫിസിലും സോണൽ ഓഫിസുകളിലുമായാണ് 1,000ൽ അധികം അപേക്ഷകൾ അനുമതി കാത്ത് കിടക്കുന്നതെന്ന് കോൺഗ്രസ് ഉപനേതാവ് ജോൺ ഡാനിേയൽ അറിയിച്ചു. ഏറ്റവുമധികം മെയിൻ ഓഫിസിലാണ് 384 അപേക്ഷകൾ. വിവരാവകാശ നിയമപ്രകാരം സമർപ്പിച്ച അപേക്ഷക്ക് ലഭിച്ച മറുപടിയിലാണ് വിവരങ്ങൾ ലഭ്യമായതെന്ന് ജോൺ ഡാനിേയൽ പറഞ്ഞു. 1,000ൽ അധികം അപേക്ഷകൾ കെട്ടിക്കിടക്കുമ്പോഴാണ് തദ്ദേശ മന്ത്രി കൊട്ടിഘോഷിച്ചു നടത്തിയ അദാലത്തിൽ 265 അപേക്ഷകൾ മാത്രം പരിഗണിച്ചത്. ഇതിലാകട്ടെ 69 അപേക്ഷകളിൽ മാത്രമാണ് തീർപ്പാക്കാനായത്. അദാലത്ത് പ്രഹസനമായിരുന്നെന്നും അദ്ദേഹം പറഞ്ഞു
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.