തൃപ്രയാർ: രാത്രി വീട്ടിൽ അതിക്രമിച്ച് കയറിയ രണ്ടംഗ സംഘം വയോധിക ദമ്പതികളെയും മകനെയും ആക്രമിച്ച് പരിക്കേൽപ്പി ച്ചു. മൂവരേയും വലപ്പാട് സാമൂഹിക ആരോഗ്യ കേന്ദ്രത്തിൽ പ്രവേശിപ്പിച്ചു. പല്ല കോളനിയിൽ താമസിക്കുന്ന കിളിക്കോട്ട് ഗോപാലകൃഷ്ണൻ (69), ഭാര്യ വള്ളിയമ്മ (68), മകൻ ഉണ്ണികൃഷ്ണൻ (42) എന്നിവർക്കാണ് പരിക്കേറ്റത്. തിങ്കളാഴ്ച രാത്രി ഒമ്പതിനാണ് സംഭവം. ഭാര്യയുടെ ബന്ധുക്കളായ രണ്ടു പേരാണ് വീട്ടിൽ കയറി ആക്രമണം നടത്തിയതെന്ന് ഉണ്ണികൃഷ്ണൻ പറഞ്ഞു. ഗോപാലകൃഷ്ണൻെറ തലക്കും കൈക്കുമാണ് പരിക്ക്. വള്ളിയമ്മയുടെ കൈക്കാണ് പരിക്ക്. വീടിൻെറ വാതിലുകൾ തകർത്തു. ഉണ്ണികൃഷ്ണൻെറ ബൈക്ക് മറിച്ചിട്ടു. സംഭവത്തിനു ശേഷം പൊലീസ് സംഘം സ്ഥലത്തെത്തിയെങ്കിലും പ്രതികളെ പറഞ്ഞയക്കുകയാണ് ചെയ്തതെന്ന് ഉണ്ണികൃഷ്ണൻ പറഞ്ഞു. കയ്പമംഗലം ബ്ലോക്ക് യൂത്ത് കോൺഗ്രസ് സെക്രട്ടറിയാണ് ഉണ്ണികൃഷ്ണൻ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.