മുളംകുന്നത്തുകാവ്: ജലസംരക്ഷണത്തിനും പ്രകൃതി സംരക്ഷണത്തിനും ഊന്നൽ നൽകുന്ന പദ്ധതികളെ പരിചയപ്പെടുത്തുന്നതിന് ഏരിയ തലത്തിൽ ശിൽപശാലകൾ സംഘടിപ്പിക്കാൻ ദേശീയ ഗ്രാമീണ തൊഴിലുറപ്പുപദ്ധതി വർക്കേഴ്സ് യൂനിയൻ ജില്ല ശിൽപശാല തീരുമാനിച്ചു. സംസ്ഥാന സെക്രട്ടറി എസ്. രാജേന്ദ്രൻ ഉദ്ഘാടനം ചെയ്തു. ജില്ല പ്രസിഡൻറ് പി. തങ്കം അധ്യക്ഷത വഹിച്ചു. 2019-20 സാമ്പത്തിക വർഷം ഏറ്റെടുക്കാവുന്ന പദ്ധതികളെക്കുറിച്ച് കില റിസോഴ്സ് പേഴ്സൻ എം. രേണുകുമാർ സംസാരിച്ചു. പദ്ധതി നടത്തിപ്പും യൂനിയൻ ഇടപെടലുകളും സംബന്ധിച്ച് എസ്. രാജേന്ദ്രൻ വിശദീകരിച്ചു. ജില്ല സെക്രട്ടറി സേവ്യർ ചിറ്റിലപ്പിള്ളി, എ.എസ്. ദിനകരൻ, സാവിത്രി സദാനന്ദൻ, എം.കെ. പ്രഭാകരൻ, കെ.ആർ. ഹരി, കെ. ദ്രൗപതി, കമലം ഗോപി എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.