തൃശൂർ: ഇന്ധനവില വർധനക്കെതിരെ ലോറി ഓപറേറ്റേഴ്സ് അസോസിയേഷൻ ജില്ല കമ്മിറ്റി നേതൃത്വത്തിൽ പൂത്തോൾ പോസ്റ്റോഫിസിലേക്ക് ചരക്ക് ലോറി കെട്ടിവലിച്ച് പ്രതിഷേധ മാർച്ച് സംഘടിപ്പിച്ചു. സംസ്ഥാന പ്രസിഡൻറ് പി.കെ. ജോൺ ഉദ്ഘാടനം ചെയ്തു. പെട്രോളിനും ഡീസലിനും ജി.എസ്.ടി ഏർപ്പെടുത്തുക, ചരക്ക് വാഹനങ്ങൾക്കുള്ള വാടക നിരക്ക് ടൺ അടിസ്ഥാനത്തിൽ നിശ്ചയിക്കുക, വർധിപ്പിച്ച ഇൻഷുറൻസ് പ്രമീയം പുനഃപരിശോധിക്കുക തുടങ്ങിയ ആവശ്യങ്ങൾ ഉന്നയിച്ചായിരുന്നു പ്രതിഷേധ മാർച്ച്. അസോസിയേഷൻ രക്ഷാധികാരി എ.ടി. ജോൺസൺ അധ്യക്ഷത വഹിച്ചു. ജില്ല സെക്രട്ടറി കെ.ബി. പുരുഷോത്തമൻ, എം.ജി. രാജു, ഭാരവാഹികളായ സി.ടി. ജോസ്, എം.ഡി. സുനിൽകുമാർ, ഒ.കെ. ശശികുമാർ, വി. അശോക് എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.