തൃശൂർ: സാംസ്കാരിക പ്രവർത്തകനും ഗ്രന്ഥകർത്താവുമായ പ്രഫ.ജോർജ് മേനാച്ചേരിയുടെ 80ാം പിറന്നാളിനോടനുബന്ധിച്ച് പ്രഭാഷണ പരമ്പര സംഘടിപ്പിക്കുന്നു. ഇൗമാസം 27ന് രാവിലെ 10ന് സാഹിത്യ അക്കാദമി ഹാളിൽ ജസ്റ്റിസ് കുര്യൻ ജോസഫ് പരമ്പര ഉദ്ഘാടനം ചെയ്യും. മലയാളം സർവകലാശാല വൈസ് ചാൻസലർ ഡോ.അനിൽ വള്ളത്തോൾ അധ്യക്ഷത വഹിക്കും. ജോർജ് മേനാച്ചേരി 'മാധ്യമങ്ങളുെട ആനുകാലിക പ്രസക്തി' എന്ന പ്രഭാഷണം നടത്തും. ഏഴ് ദിവസങ്ങളിലായി വൈകീട്ട് അഞ്ചിന് നടക്കുന്ന പ്രഭാഷണപരമ്പര ജൂൺ മൂന്നിന് അവസാനിക്കും. സമാപന സമ്മേളനം ബസേലിയോസ് മാർതോമ പൗലോസ് ഉദ്ഘാടനം ചെയ്യും. മുസ്രിസ് മിഥ്യയോ സത്യമോ, സംഘകാല കേരളം, കേരളീയ ജീവിതശൈലിയുടെ വികാസപരിണാമങ്ങൾ, നവോത്ഥാന പ്രസ്ഥാനവും ശിൽപികളും, ചുമർ ചിത്രങ്ങൾ, ദാരുശിൽപങ്ങൾ, വാസ്തുശിൽപകല, പുരാവസ്തു വിജ്ഞാനീയം, ക്ഷേത്ര-പള്ളികലകൾ എന്നീ വിഷയങ്ങളിലാണ് പ്രഭാഷണ പരമ്പര എന്ന് കൺവീനർ പ്രഫ.എം. മാധവൻകുട്ടി വാർത്തസമ്മേളനത്തിൽ പറഞ്ഞു. പ്രഫ. ജോൺ സിറിയക്, പ്രഫ.വി.എ. വർഗീസ്, ബേബി മൂക്കൻ എന്നിവർ പെങ്കടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.