പൊതുവിദ്യാഭ്യാസ സംരക്ഷണ സ​ന്ദേശവുമായി 'കൂട്ടമണി'

തൃശൂർ: ഒരിക്കൽ അറനൂറിലധികം വിദ്യാർഥികൾ പഠിച്ചിരുന്ന വാക മാലതി യു.പി സ്കൂളിൽ കഴിഞ്ഞ വർഷം പഠിക്കാനുണ്ടായിരുന്നത് മുപ്പതിനടുത്ത് കുട്ടികൾ മാത്രം. നിരവധി എൻജിനീയർമാരെയും ഡോക്ടർമാരെയും മറ്റും സൃഷ്ടിച്ച ഇൗ 84ാം വാർഷികം ആഘോഷിക്കാനൊരുങ്ങുന്ന സമയത്ത് ഉണ്ടായ ഇൗ അവസ്ഥയിൽ പൊതുജനങ്ങൾക്ക് നാട്ടിലെ സ്കൂളി​െൻറ വില മനസ്സിലാക്കിക്കൊടുക്കുന്നതിനും പൊതുവിദ്യാഭ്യാസ സംരക്ഷണത്തി​െൻറ പ്രാധാന്യം വിശദീകരിച്ച് സ്കൂളിലെ അറബി, സംസ്കൃതം അധ്യാപികമാരായ ഷംനയും നിഷയും ചേർന്നുനിർമിച്ച കൂട്ടമണി എന്ന 25 മിനിറ്റ് ഹ്രസ്വചിത്രം ശ്രദ്ധേയമാവുന്നു. നാടുമായി ഒരു ബന്ധവുമില്ലാതെ മറ്റൊരു സ്കൂളിൽ പോകാൻ നേരം വെളുക്കുന്നതിന് മുമ്പെ ഒരുങ്ങേണ്ടിവരുന്ന ഒരു കുട്ടിയുടെ മാനസികവ്യഥയാണ് ഈ ചിത്രത്തിൽ അവതരിപ്പിക്കുന്നത്. ഒപ്പം നാട്ടിലെ സ്കൂളിൽ പഠിക്കുന്ന കുട്ടികളുടെ സന്തോഷകരമായ പഠനവും മറ്റുകാര്യങ്ങളിലേക്കും ഉപയോഗിക്കാവുന്ന സമയവും ഇതിൽ ചിത്രീകരിച്ചിരിക്കുന്നു. എല്ലാത്തിലും നാടൻ അന്വേഷിക്കുന്ന കാലത്ത് മക്കളെ നാടനാക്കി വളർത്താൻ ചിത്രം നിർദേശിക്കുന്നു. തുടർ വിദ്യാഭ്യാസസംരക്ഷണത്തി​െൻറ ഗുണവശങ്ങൾ തുറന്നുകാട്ടുന്ന ഈ ഹ്രസ്വചിത്രം കടം പെരുകിക്കൊണ്ടിരിക്കുന്നതിനിടയിൽ വലിയ ഫീസടച്ച് പഠിപ്പിക്കാൻ പാടുപെടുന്ന രക്ഷിതാക്കൾക്ക് കൂടി വഴികാട്ടിയാവുന്നു. പഞ്ചായത്ത് മെമ്പർമാരുടെയും പി.ടി.എ.യുടെയും ഇത്തരം വേറിട്ട പ്രവർത്തനങ്ങളുടെ ഫലമായി എഴുപത്തഞ്ചോളം കുട്ടികൾ ഈ വർഷം ഇൗ സ്കൂളിൽ പുതുതായി ചേർന്നത് ശ്രദ്ധേയമാണ്. എല്ലാ വിദ്യാലയങ്ങളിലും ഈ ചിത്രം പ്രദർശിപ്പിക്കാനാണ് പരിപാടി.