തൃശൂർ: കേരള ജയിൽ സബോഡിനേറ്റ് ഓഫിസേഴ്സ് അസോസിയേഷൻ (കെ.ജെ.എസ്.ഒ.എ) തൃശൂർ മേഖല കമ്മിറ്റി നടത്തിയ കായികമേള മുൻ ഇന്ത്യൻ ഫുട്ബാൾ താരം ഐ.എം. വിജയൻ ഉദ്ഘാടനം ചെയ്തു. ജയിൽ ഡി.ഐ.ജി സാം തങ്കച്ചൻ അധ്യക്ഷത വഹിച്ചു. വിയ്യൂർ സെൻട്രൽ ജയിൽ സൂപ്രണ്ട് എം.കെ. വിനോദ്കുമാർ, അതീവ സുരക്ഷ ജയിൽ സൂപ്രണ്ട് ടി. ബാബുരാജൻ, അസോസിയേഷൻ സംസ്ഥാന ജനറൽ സെക്രട്ടറി പി.ടി. സന്തോഷ്, പി.വി. ജോഷി, പി.ആർ. മണികണ്ഠൻ എന്നിവർ സംസാരിച്ചു. ഇടുക്കി, കോട്ടയം, എറണാകുളം, തൃശൂർ ജില്ലകളിലെ ജയിൽ ജീവനക്കാർ പങ്കെടുക്കുന്ന കായികമേള തിങ്കളാഴ്ച സമാപിക്കും. തൃശൂർ മേഖലയിലെ ജയിൽ സൂപ്രണ്ടുമാർ പങ്കെടുക്കുന്ന സൗഹൃദ ഫുട്ബാൾ സമാപന ദിവസം നടക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.