തൃശൂർ: മൂന്ന് വർഷമായി പ്രവർത്തിക്കാത്ത എ.ടി.എം കാർഡിന് ഈടാക്കിയ പണം ഓംബുഡ്സ്മാന് പരാതി നൽകിയപ്പോൾ തിരിച്ചു നൽകി. വടക്കാഞ്ചേരി സ്വദേശി ചിറ്റിലപ്പിള്ളി റോയിയുടെ അക്കൗണ്ടിൽനിന്നാണ് സൗത്ത് ഇന്ത്യൻ ബാങ്ക് പണം ഈടാക്കിയത്. വടക്കാഞ്ചേരി ശാഖയിലാണ് ഇയാൾക്ക് അക്കൗണ്ടുള്ളത്. കാർഡ് പ്രവർത്തിപ്പിക്കാത്തതാണെന്ന് കാണിച്ച് ശാഖ മാനേജർക്കും ബാങ്കിെൻറ തൃശൂരിലെ ആസ്ഥാനത്തും പരാതി നൽകിയെങ്കിലും ഈടാക്കിയ പണം തിരിച്ച് നൽകിയില്ല. ഇതോടെ തിരുവനന്തപുരത്ത് ബാങ്കിങ് ഓംബുഡ്സ്മാന് പരാതി നൽകുകയായിരുന്നു. ഇതോടെ മൂന്ന് വർഷമായി എടുത്ത ബേസ് തുകയായ 275ഉം ജി.എസ്.ടി 74ഉം ഉൾപ്പെടെ 349 രൂപ പരാതിക്കാരെൻറ അക്കൗണ്ടിൽ തിരിച്ച് നിക്ഷേപിച്ചു. വിവരം ഓംബുഡ്സ്മാൻ തന്നെ ബാങ്ക് വിശദാംശങ്ങളോടെ പരാതിക്കാരനെ അറിയിക്കുകയും ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.