അരിമ്പൂർ: കൃഷിക്കും ആരോഗ്യ മേഖലക്കും ഉൗന്നൽ നൽകി അരിമ്പൂർ ഗ്രാമപഞ്ചായത്ത് ബജറ്റ്. 27.12 കോടി രൂപ വരവും 26.76 കോടി രൂപ ചെലവും പ്രതീക്ഷിക്കുന്ന ബജറ്റ് വൈസ് പ്രസിഡൻറ് എൻ.സി. സതീഷ് അവതരിപ്പിച്ചു. കാർഷിക മേഖല-ക്ക് 47.50 ലക്ഷം, അരിമ്പൂർ പ്രാഥമികാരോഗ്യ കേന്ദ്രത്തിന് -മൂന്നു കോടി, വൈദ്യുതി ലൈൻ നീട്ടാൻ- 68 ലക്ഷം, പാർപ്പിട മേഖല-ക്ക് ഒമ്പത് ലക്ഷം, പൊതുശ്മശാനത്തിന് സ്ഥലം വാങ്ങാൻ -15 ലക്ഷം, പ്ലാസ്റ്റിക് മാലിന്യശേഖരണ കേന്ദ്രത്തിന് സ്ഥലം വാങ്ങാൻ -15 ലക്ഷം എന്നിങ്ങനെയാണ് തുക വകയിരുത്തിയത്. ജില്ല പഞ്ചായത്തംഗം സിജി മോഹൻദാസ് ഉദ്ഘാടനം ചെയ്തു. ഗ്രാമ പഞ്ചായത്ത് പ്രസിഡൻറ് സുജാത മോഹൻദാസ് അധ്യക്ഷത വഹിച്ചു. ബ്ലോക്ക് പഞ്ചായത്ത് സ്റ്റാൻഡിങ് കമ്മിറ്റി ചെയർമാൻ കെ.എൽ. ജോസ്, ബ്ലോക്ക് പഞ്ചായത്തംഗം ഓമന അശോകൻ, ഗ്രാമപഞ്ചായത്ത് ക്ഷേമകാര്യ സമിതി ചെയർപേഴ്സൻ സിന്ധു സഹദേവൻ, ഗ്രാമപഞ്ചായത്തംഗങ്ങൾ എന്നിവർ സംസാരിച്ചു. പഞ്ചായത്ത് സെക്രട്ടറി എം. ജയൻ സ്വാഗതവും അസി. സെക്രട്ടറി എ.എൽ. തോമസ് നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.