അന്തിക്കാട്. താന്ന്യം പഞ്ചായത്ത് കണ്ണൻചിറയിൽ ആധുനിക രീതിയിൽ നിർമിച്ച വാതക ശ്മശാനം തുറന്നുകൊടുത്തു. തദ്ദേശസ്വയംഭരണവകുപ്പ് മന്ത്രി കെ.ടി ജലീൽ ഉദ്ഘാടനം ചെയ്തു. ഗീതഗോപി എം.എൽ.എ അധ്യക്ഷത വഹിച്ചു. 65 ലക്ഷം രൂപ ചെലവഴിച്ചാണ് വാതക ശ്മശാനം നിർമിച്ചത്. പഞ്ചായത്ത് വക 20 സെൻറ് സ്ഥലത്താണ് ശ്മശാനം നിർമിച്ചിട്ടുള്ളത്. ജില്ല പഞ്ചായത്ത് പ്രസിഡൻറ് മേരി തോമസ്, അന്തിക്കാട് ബ്ലോക്ക് പഞ്ചായത്ത് പ്രസിഡൻറ് പി.സി. ശ്രീദേവി, താന്ന്യം ഗ്രാമപഞ്ചായത്ത് പ്രസിഡൻറ് സി.പി. ജോസ്, വൈസ് പ്രസിഡൻറ് ശുഭ സുരേഷ്, ജില്ല പഞ്ചായത്തംഗം ഷീല വിജയകുമാർ, സെക്രട്ടറി ബെന്നി ഡേവീസ് തുടങ്ങിയവർ സംസാരിച്ചു. മികച്ച കൃഷി ഓഫിസര്ക്കുള്ള ജില്ല അവാര്ഡ് നേടിയ ഡോ. എ.ജെ. വിവന്സിക്ക് മന്ത്രി ഉപഹാരം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.